Stoltenberg: Ukraina është më afër se kurrë anëtarësimit në NATO

March 11, 2024 user 1

Sekretari i Përgjithshëm i NATO-s, Jens Stoltenberg, ka thënë se Ukraina është më afër se kurrë anëtarësimit në Aleancë, duke thënë se “pyetja nuk është nëse, por kur”.

Ai ka thënë të hënën në një konferencë për media se ka besuar që Suedia, që të enjten u anëtarësua zyrtarisht në NATO, është aleate e përkushtuar.

Lexo më shumë Franca dhe Gjermania kërkojnë kompetenca të reja për BE-në për të mbrojtur tregun evropian nga Kina

“Ukrainë do të bëhet aleate e NATO-s. Pyetja nuk është nëse, por kur. Ukraina tash është më afër se kurrë më parë anëtarësimit në NATO…Suedia do të jetë një aleate e përkushtuar…”, është shprehur Stoltenberg.

Ai ka theksuar se dorëzimi për Ukrainën nuk është paqe, duke potencuar se “vetëm presidenti rus ka fuqinë për t’i dhënë fund luftës”.

Lexo më shumë Moska pritet të sulmojë NATO-n? Financial Times: Estonia po vendos trupa elitare në kufi! Gati plani për goditjen e territoreve ruse

Komentet e sekretarit të NATO-s erdhën pasi flamuri suedez u vendos në selinë e NATO-s, duke u radhitur si shteti i 32-të anëtar.

Rruga Press