Sot lansohet ‘Dritarja për Investime të Diasporës’

July 16, 2024 user 1

Sot do të bëhet lansimi i “Dritares për Investime të Diasporës” organizuar nga Ministria e Financave, Punës dhe Transfereve dhe Fondi Kosovar për Garanci Kreditore në partneritet me projektin e Agjencisë për Zhvillim Ndërkombëtar të Shteteve të Bashkuara (USAID) për Promovim të Investimeve dhe Qasje në Financa.

Në pjesën e parë të ngjarjes, pjesëmarrësve do tu adresohet Kryeministri i Republikës së Kosovës, Albin Kurti, Ambasadori i Shteteve të Bashkuara të Amerikës në Kosovë, Jeffrey M. Hovenier, Ministri i Financave, Punës dhe Transfereve, Hekuran Murati, dhe Drejtori Menaxhues i FKGK-së, Besnik Berisha.

Lexo më shumë Vulini paralajmëron kandidaturën për president të Serbisë – “Bota Serbe” dhe Rusia në qendër të platformës

Ndryshe, ditë më parë Kryeministri i vendit, Albin Kurti, lëshimin e kredive investuese për diasporën, e ka quajtur si pako të mirëseardhjes.

“Pakoja jonë e mirëseardhjes këtë vit për bashkatdhetarët që jetojnë jashtë do të përfshijë edhe një dritare garancie kredie, të cilën do ta hapim javën e ardhshme, për të garantuar kredi investuese të diasporës sonë që duan të kthehen dhe të investojnë në vendlindjen e tyre, në Republikën tonë”, ka shkruar ai në ‘X’.

Lexo më shumë Arrestohet një person për thyerjen e xhamit të Kuvendit të Kosovës, i dyshuari del se ka dosje për disa raste në Polici. Për posedim të paautorizuar të armës, dhunë në familje dhe vjedhje

Tutje ai ka thënë se ky vendim vjen pasi Qeveria beson se “potenciali i rritjes së Kosovës dhe fuqia investuese e diasporës sonë duhet të shkojnë paralelisht”.

Rruga Press