Skandali/ Helmohen rreth 40 studentë të Akademisë së Sigurisë në Shqipëri nga ushqimi

May 7, 2026 User2

Një situatë e pazakontë ka ndodhur në Akademinë e Sigurisë të Policisë, ku rreth 40 nxënës që po ndjekin kursin për policim në komunitet, kanë ndjerë probleme shëndetësore.

Gazetari Elton Qyno ka mësuar se komplikacionet mësohet të kenë filluar fill pas konsumimit të drekës të datës 6 Maj, duke çuar fillimisht disa prej tyre në spitalin e Tiranës.

Lexo më shumë Exit: Policia shqiptare, shkelje masive dhe të koordinuara të të drejtave të njeriut

Më pas rastet janë shtuar gjatë natës duke çuar në rritjen e numrit diku tek 40 nxënës.

Dyshimet e para bien mbi produktin ushqimor që është servirur nga një kompanie private e cila ka lidhur kontratë me Akademinë e Sigurisë për shërbimin e ushqimit.

Një ditë më parë në Akademinë e Sigurisë kanë shkuar ISHP, AKU dhe krimi ekonomik, ku janë intervistuar studentët.

Lexo më shumë Protesta përhapet në qytete të tjera, gjimnazistët në Lezhë bojkotojnë mësimin

Pritet që ditën e sotme të zhvillohet një analizë e hollësishme lidhur me këtë situatë.

Rruga Press