Siç edhe pritej, qeveria e Orbanit do paguajë naftën e Putinit me Rubla. Evropa përballë sfidës së vërtetë

Advertisement
Advertisement

Ministri i Jashtëm i Hungarisë, Péter Szijjártó tha se vendi i tij do të përdorë skemën e vendosur nga Moska për pagesat e naftës dhe gazit.

“85% e gazit dhe 65% e naftës vjen nga Rusia. Pse? Sepse është e përcaktuar nga infrastruktura. Nuk është diçka argëtuese, ne nuk e kemi zgjedhur këtë situatë”, tha ministri për CNN.

Szijjártó tha se nuk ka burime apo rrugë alternative që i mundëson HUngarisë të ndalojë importimin e energjisë ruse në vitet e ardhshme.

Kjo ishte e pritshme duke marrë parasysh se qeveria hungareze me në krye Victor Orbanin konsiderohet si ndoshta qeveria më pro-Putin brenda Bashkimit Evropian.

Advertisement

Nga ana tjetër, Rusia ka ndaluar importin e naftës për dy vende të BE-së, Poloninë dhe Bullgarinë. Qeveritë e këtyre vendeve janë treguar shumë të ashpra kundër pushtimit rus në Ukrainë dhe nuk kanë pranuar të përdorin Rublën si valutë të blerjes së naftës.

Lexo më shumë  Humbjet e konsiderueshme të forcave ajrore ruse

Sipas skemës ruse të pagesave, importuesit e energjisë duhet të hapin dy llogari bankare në Gazprombank, një llogari në valutë të huaj dhe një llogari në Rubla. Të ardhurat nga shitjet paguhen në valutë të huaj, Dollarë ose Euro, të cilat më pas konvertohen nga Gazprombank në llogarinë Rubla.

Advertisement

Ekspertët thonë se sistemi rus i pagesave i lejon Moskës akses në të ardhurat e energjisë, pavarësisht nga sanksionet e vendosura për monedhat e huaja.

Presidenti rus, Vladimir Putin ka bërë thirrje që vendet jomiqësore me Rusinë duhet të paguajnë gazin në monedhën vendase, Rubla.

Lexo më shumë  Raketat “Javelin” në Shqipëri, Peleshi: Agresioni rus na detyroi të modernizojmë forcat e armatosura

Ndoshta ditët në vijim do të shohim se si disa vende pro-Putin mezi po presin të jenë “të detyruar” t’i përgjigjen pozitivisht kërkesave të Kremlinit. Por, qëndrimin në lidhje me këtë zhvillim do ta përcaktojë më së shumti ajo sesi do pozicionohen dhe do veprojnë vendet kyçe të BE-së, nëse do shkojmë deri tek ndalimi i importit të naftës ruse në Evropë apo te nënshtrimi ndaj Putinit dhe mënyrave të tij për të anashkaluar sanksionet kundër Rusisë.

Rruga Press

Advertisement

Leave a Reply

Your email address will not be published.