Shtime, në një kishë shfaqen grafite me shkronjën “Z”
Pjesëtarët e Policisë së Kosovës gjatë patrullimit kanë vërejtur se persona deri më tani të panjohur kanë shënuar në objektin e një kishe grafite provokuese.
Sipas njoftimit të policisë, shkronja Z është shkruar në muret e objektit të kishës në Shtime që ndodhet në rrugën “Skender Salihaj”.
Rasti është paraqitur të premten dhe është duke u hetuar nga organet relevante.
Kujtojmë “Z” është simboli i forcave të armatosura ruse, i cili shënon invazionin rus në Ukrainë.
Ekspertë të sigurisë kanë paralajmëruar se edhe Kosova mund të jetë si pjesë e planit të Rusisë për destabilizim të Ballkanit.
Organet shtetërore janë deklaruar se nuk duhet të ngrihet panik për këtë çështje derisa janë shprehur se është rritur vigjilenca sa i përket përpjekjeve të mundshme për destabilizm të vendit.
Rruga Press