Shënohet viktima e parë prej zjarreve në Kosovë, një burrë u asfiksua nga tymi pasi u fut në një stallë për ti shpëtuar flakëve
Shënohet viktima e parë prej zjarreve në Kosovë. Një person ka ndërruar jetë në Malishevë pasi është asfiksuar.
“Si pasojë e kësaj vdekje dyshohet të jetë ajri i tymosur pasi që viktima kishte shkuar tek stalla e cila ishte përfshirë nga zjarri”, konfirmoi Policia e Kosovës
Viktima, identiteti i të cilit nuk bëhet i ditur, ishte dërguar pa shenja jete në qendrën mjekësore të Malishevës ku fatkeqësisht nuk ka mundur të mbijetojë.
Me vendim të prokurorit trupi i pajetë i viktimës është dërguar në morg për autopsi.
Në Kosovë aktualisht janë 4 vatra zjarri aktive në rajonin e Prizrenit, Suharekës, Ferizajt dhe Rugovës. Në këtë rajon flakët janë në afërsi të banesave dhe rrezikojnë që ti djegin ato, ndërkohë që deri mbrëm bëhet me dije se asnjë ekip i zjarrfikësve nuk ka shkuar në vend.
Rruga Press