Shefi i Pentagonit shtrihet me urgjencë në spital, ia transferon kompetencat zëvendëses së tij

Sekretari amerikan i Mbrojtjes, Lloyd Austin, ka bartur detyrat te zëvendësi i tij për shkak të shtrimit të tij në spital për një urgjencë të fshikëzës, raportoi të hënën BBC-ja.

Siç ka bërë të ditur Pentagoni, Austini ndodhet në njësinë e kujdesit kritik në Qendrën Mjekësore Ushtarake Kombëtare Walter Reed në Virxhinia.

Zyrtarët kanë thënë se deri më tani është e paqartë se sa do të zgjasë qëndrimi i tij në spital.

Të dielën pasdite, Pentagoni lëshoi ​​një deklaratë duke thënë se Austini ishte dërguar në Walter Reed për trajtim, duke shtuar se Shtëpia e Bardhë dhe zyrtarë të lartë të mbrojtjes janë të njoftuar.

Disa orë më pas, Pentagoni ka lëshuar sërish ​​një deklaratë të dytë duke thënë se Sekretari i Mbrojtjes ka transferuar funksionet dhe detyrat e zyrës te Zëvendëssekretarja e Mbrojtjes, Kathleen Hicks.

Ishte planifikuar që Austini të udhëtonte për në Bruksel këtë javë për një takim që do të mbahej të mërkurën mbi luftën e vazhdueshme në Ukrainë.

Nuk është ende e qartë nëse qëndrimi i tij në spital do t’i pengojë këto plane.

Në fund të vitit të kaluar, Austin iu nënshtrua një operacioni si pjesë e trajtimit të tij të kancerit.

Zyrtarët e lartë të mbrojtjes dhe administrata Biden nuk e dinin se Austini ishte i sëmurë rëndë deri në tre ditë pasi rimori detyrat e tij.

Rruga Press