Shefi humanitar i OKB-së: Në Gaza nevojiten 100 kamionë ndihma në ditë
Agjencitë e ndihmave thonë se Gaza ka nevojë për shumë më tepër ndihmë sesa 20 kamionët fillestarë për të cilët bëri të ditur presidenti amerikan Joe Biden, nga vizita e djeshme në Izrael.
Shefi humanitar i OKB-së, Martin Griffiths, thotë se do të nevojiten rreth 100 kamionë në ditë.
Egjipti ka rënë dakord të rihapë pikën e tij kufitare me Gazën për të lejuar dërgesat, megjithëse përgatitja për këtë kërkon kohë.
Lexo më shumë Rusia shënoi numrin më të lartë të viktimave ditore që nga fillimi i luftës në Ukrainë
Kontaktet diplomatike për ndihmën për palestinezët po vazhdojnë, me presidentin egjiptian Abdul Fattah al-Sisi që do të presë sot Mbretin Abdullah të Jordanisë.
Si Egjipti ashtu edhe Jordania kanë qenë në paqe me Izraelin për shumë vite dhe kanë luajtur role të rëndësishme ndërmjetësimi në konfliktet e mëparshme.
Rruga Press