SHBA ndalon mijëra makina luksoze të Volkswagen: Vijnë nga shfrytëzimi i ujgurëve

Mijëra makina luksoze VW janë sekuestruar nga zyrtarët e doganave amerikane për një pjesë të lidhur me akuzat se vinte nga puna e detyruar në rajonin Xinjiang të Kinës.

Autoritetet amerikane kanë konfiskuar dhe po hetojnë mijëra makina luksoze evropiane nga marka të tilla si Porsche, Bentley dhe Audi me akuzën se kanë shkelur ligjet që ndalojnë mallrat e importuara të prodhuara nga puna e detyruar në Kinë.

Sipas Financial Times, prodhuesi gjerman i makinave Volkswagen, i cili përfshin kompani si Porsche, Bentley dhe Audi, ka vendosur t’i vonojë dërgesat ndërsa komponentët elektronikë të dyshuar për shkelje të ligjit janë zëvendësuar.

Procesi mund të zgjasë deri në fund të marsit, për shkak të numrit të automjeteve të përfshira.

Financial Times citoi dy persona me dijeni për këtë çështje, të cilët thanë se  Volksëagen nuk ishte në dijeni të origjinës së pjesëve që do të zëvendësoheshin, i njoftoi autoritetet amerikane sapo furnizuesi i saj e njoftoi se vinin nga Kina perëndimore.

Sipas ligjit të SHBA-së për Parandalimin e Punës së Detyrueshme të Ujgurëve, importet nga rajoni perëndimor i Kinës Xinjiang janë të ndaluara për shkak të dyshimi se ato janë prodhuar me punë të detyruar.

Zyra e OKB-së për të Drejtat e Njeriut ka thënë se ndalimi diskriminues nga Kina i ujgurëve dhe grupeve të tjera etnike kryesisht myslimane në rajon mund të përbëjë krim kundër njerëzimit.

Partia Komuniste Kineze i ka mohuar vazhdimisht akuzat.

Një raport i fundit i Human Rights Watch paralajmëroi në fillim të këtij muaji se shumë prodhues makinash mund të përdorin aluminin e prodhuar me punë të detyruar.

Një zëdhënës i Volkswagen tha se kompania “i merr shumë seriozisht akuzat për shkelje të të drejtave të njeriut, si brenda kompanisë ashtu edhe në zinxhirin e furnizimit. Sigurisht, kjo përfshin gjithashtu çdo pretendim për punë të detyruar.”

“Kur marrim informacion mbi rreziqet e të drejtave të njeriut ose shkeljet e mundshme, ne përpiqemi t’i korrigjojmë ato sa më shpejt të jetë e mundur,” tha Volkswagen. “Sapo morëm informacionin për pretendimet në lidhje me një nga nën-furnizuesit tanë, ne kemi qenë duke hetuar këtë çështje.”

Kompania shtoi se në fund të hetimit, ajo do të veprojë në përputhje me rrethanat, e cila “mund të përfshijë edhe ndërprerjen e një marrëdhënieje me furnizuesiy nëse hetimet tona konfirmojnë shkelje të rënda”.

Volkswagen tha më herët se po e shqyrtonte të ardhmen e sipërmarrjes së saj të përbashkët me prodhuesin kinez SAIC Motors, me të cilin zotëron një fabrikë në kryeqytetin e Xinjiang, Urumqi.

Kjo nuk është hera e parë që Volkswagen lidhet me punën e detyruar të ujgurëve.

Gazeta gjermane Handelsblatt thuhet se ka bërë fotografi që tregojnë punëtorë ujgurë me uniforma ushtarake gjatë ndërtimit trevjeçar të një piste testimi të makinave.

Studiuesit thanë se kjo tregonte se ata ishin pjesë e programeve të punës së detyruar.

Volkswagen tha në kohën e raportit të Handelsblatt se nuk kishte qenë në dijeni për ndonjë shkelje të të drejtave të njeriut në pistë.

Rruga Press