SHBA-ja e vlerëson nderimin e Kosovës për Albrightin

March 25, 2022March 25, 2022 user 1

Ambasadori amerikan në Kosovë, Jeffrey Hovenier, ka thënë se Shtetet e Bashkaura të Amerikë janë të nderuara nga vendimi i autoriteteve të Kosovës që të shpallin të premten ditë zie në nderim të ish-Sekretares amerikane Madeleine Albright, që vdiq të mërkurën.

“Ju vazhdoni ta nderoni kujtimin e saj çdo ditë përmes punës suaj për ndërtimin e një demokracie të begatë dhe multietnike”, ka shkruar ai të premten në Twitter teksa ka publikuar flamujt shtetërorë amerikanë dhe të Kosovës në gjysmështizë.

Lexo më shumë Serwer e Stradner japin alarmin nga SHBA për rrezikun që vjen nga Vuçiqi

Sekretarja amerikane e Shtetit, Madeleine Albright, qe zëri i shqiptarëve të Kosovës në ditët më të vështira

“Në shenjë respekti shtetëror, dita e premte, datë 25 mars 2022, shpallet ditë zie në Republikën e Kosovës për të kujtuar miken e madhe të Kosovës, Madeleine Albright e cila u nda nga jeta të mërkurën. Zonja Albright e njohu dhimbjen e popullin tonë sepse edhe vet e kishte përjetuar persekutimin qysh në fëmijëri, prandaj qëndroi e vendosur kundër Millosheviqit deri në ndaljen e gjenocidit të tij në Kosovë. E përkrahi pareshtur Kosovën deri në frymën e fundit, prandaj populli i Kosovës do ta kujtojë përjetësisht”, ka bërë të ditur presidentja e Kosovës Vjosa Osmani në njoftimin për shpalljen e së premtes ditë zie.

Lexo më shumë Knaus: Ka ende një rrugë të mirë përpara që Kosova të anëtarësohet në KiE

Me vendim, flamujt shtetëror ngrihen në gjysmështizë në të gjitha objektet shtetërore të Republikës së Kosovës, brenda dhe jashtë vendit.

Rruga Press