Rusia zhvendos avionë luftarakë në Bjellorusi përpara manovrave ushtarake

February 5, 2022 user 1

Rusia ka zhvendosur një numër të panjohur avionësh luftarakë Sukhoi Su-25SM në Bjellorusi, disa ditë përpara një manovre të planifikuar ushtarake në vendin që kufizohet me Ukrainën.

“Avionët u dërguan 7,000 kilometra nga rajoni Primorye në Detin e Japonisë në aeroportet ushtarake në rajonin Brest në Bjellorusinë perëndimore”, raportoi sot Ministria e Mbrojtjes në Moskë, pa treguar një shifër të saktë.

Lexo më shumë Euronews akuzohet për “shkelje të qartë të integritetit editorial” për zgjedhjet në Hungari

Moska po planifikon një manovër ushtarake në Bjellorusi, aleatin e saj të ngushtë, nga 10 deri më 20 shkurt.

Aleatët perëndimorë kanë shprehur shqetësimin se Rusia mund të planifikojë një inkursion në territorin ukrainas. Kremlini e ka mohuar këtë pretendim dhe në këmbim akuzon NATO-n për nxitje të tensioneve në rajon.

Burimet e shërbimeve sekrete perëndimore dyshojnë se Rusia mund të hynte përmes rajonit të Donbasit të Ukrainës, i cili kontrollohet nga separatistët pro-rusë. Një tjetër mundësi është që Rusia të nis pushtimin nga Bjellorusia, e cila është afër kryeqytetit ukrainas Kiev.

Lexo më shumë Haxhiu: Dekreti ishte i ngutshëm, zgjedhja e presidentit është përgjegjësi e të gjithëve

Vendet e NATO-s kanë dislokuar më shumë anije, avionë dhe trupa në vendet baltike dhe Evropën Lindore javët e fundit.

Rruga Press