Rubio flet për marrëveshje të mundshme me Iranin ndërsa sulmet ushtarake dhe paralajmërimet rrisin përplasjen

Sekretari i Shtetit i SHBA-së, Marco Rubio, ka thënë se një marrëveshje me Iranin mbetet ende e mundur, pavarësisht sulmeve të fundit amerikane ndaj objektivave të lidhura me raketat në jug të vendit.

Sipas Komandës Qendrore të SHBA-së, forcat amerikane kanë vepruar në vetëmbrojtje duke goditur një vend lëshimi raketash dhe disa anije iraniane që dyshohet se po përpiqeshin të vendosnin mina në det.

Në qendër të zhvillimeve mbetet edhe Ngushtica e Hormuzit, një nga rrugët më të rëndësishme të transportit të naftës në botë. Rubio ka lënë të kuptohet se ajo do të mbetet e hapur në çdo rast, pavarësisht tensioneve në rritje.

Nga ana tjetër, përfaqësues të Forcave të Armatosura të Iranit kanë paralajmëruar se nëse sulmet vazhdojnë, përgjigjja e Teheranit mund të shtrihet përtej rajonit, duke rritur rrezikun e përshkallëzimit të mëtejshëm të situatës.

Rruga Press