“Rimarrja e Krimesë nga Ukraina tashmë një mundësi shumë reale”

Në javët e fundit, trupat ukrainase kanë zmbrapsur ushtrinë ruse në lindje dhe jug të vendit.

Një zyrtar i instaluar nga Rusia konfirmoi përparimet e Ukrainës përgjatë bregut perëndimor të lumit Dnipro në rajonin Kherson në jug të Ukrainës, një nga katër rajonet që Vladimir Putini pretendoi javën e kaluar se i kishte aneksuar.

Një zyrtar amerikan ka thënë për The Telegraph se ngecja e fundit të ushtrisë Ruse do të thotë poashtu se rimarrja e Krimesë nga Ukraina tashmë është “një mundësi e dukshme dhe nuk mund të mos merret më parasysh”.

Zyrtari amerikan tha: “Është e qartë se Rusia nuk ka më aftësinë apo vullnetin për të mbrojtur pozicionet kyçe, dhe nëse ukrainasit ia dalin në qëllimin e tyre për të rimarrë Khersonin, atëherë ekziston një mundësi shumë reale që përfundimisht të jenë në gjendje të rimarrin Krimenë”.

Në vitin 2014, Rusia mobilizoi trupat e saj për të marrë kontrollin e Krimesë.

Presidenti rus, Vladimir Putin këmbënguli që vendi të aneksonte Krimenë për të mbrojtur rusët etnikë nga “ekstremistët e ekstremit të djathtë”, të cilët ai tha se kishin rrëzuar presidentin pro-rus të Ukrainës, Viktor Janukoviç.

Pas aneksimit, Rusia kreu një referendum të rremë, por rezultati mbetet i panjohur ndërkombëtarisht.

Rruga Press