Bota

Reagon Ministria e Jashtme e Bullgarisë për antarësimin në BE: Tregoni përkushtimin me vepra, jo me fjalë

Rruga e Republikës së Maqedonisë së Veriut drejt anëtarësimit në BE varet nga veprimet e atij vendi dhe nuk do të shtyhet nëse kjo republikë i përmbush zotimet e veta për vlerat evropiane dhe marrëdhëniet e mira fqinjësore.

Kështu njofton Ministria e Punëve të Jashtme bullgare.

“Jemi të gatshëm të vazhdojmë me nënshkrimin e Protokollit sipas nenit 12 të Traktatit të Miqësisë, Fqinjësisë së Mirë dhe Bashkëpunimit me Republikën e Maqedonisë së Veriut. Është koha që organet përgjegjëse në Republikën e Maqedonisë së Veriut të tregojnë jo me fjalë por me veprime përkushtimin dhe dëshirën e tyre për të ardhmen evropiane të vendit të tyre dhe të gjithë rajonit”, thuhet në qëndrimin e Ministrisë së Jashtme bullgare.

Lexo më shumë  Hungaria pritet të heqë veton, Ukrainës i hapet rruga drejt BE-së

Deklarata e cilëson si historik vendimin e Asamblesë Kombëtare që Bullgaria të mbështesë dritën jeshile për pranimin e Republikës së Maqedonisë së Veriut në BE nën parametra të veçantë.

Bullgaria miratoi këtë të premte rezolutën në të cilën mbështet propozimin e presidentit francez, Emmanuel Macron për zgjidhjen e ngërçit me Maqedoninë e Veriut.

Në seancën e Kuvendit, rezoluta u miratua me 170 pro, teksa 37 deputetë votuan kundër dhe 21 abstenuan, shkruan Euronews Bulgaria.

Lexo më shumë  Alarm në Poloni pas sulmeve ruse në Ukrainë, dyshohet për shkelje të hapësirës ajrore nga objekte të paidentifikuara

Rruga Press

YouTube player

Leave a Reply

Your email address will not be published. Required fields are marked *