Rama, kryeministri me numrin më të lartë të postimeve në rrjete sociale në 2020

Sipas studimit më të fundit të të dhënave të interaktivitetit në “Facebook” (“Terradata”), Kryeministri i Shqipërisë, Edi Rama është ndër politikanët që shpenzon më shumë kohë në rrjete sociale.

Rama gjendet në vendet e para bashkë me Presidentin e Turqisë Recep Tayyip Erdoğan, Kryeministrin e Italisë, Giuseppe Conte dhe Kryeministrim anglez Boris Johnson, mgjths Shqipëria e vogël ka shumë më pak banorë se vendet e sipërpërmendura.

“Terradata” e rendit madje kreun e qeverisë shqiptare në vend të parë ndër liderët europianë për numrin e postimeve në vitin 2020, mbi 800 të tilla. Asnjë drejtues qeverie nuk ka shpenzuar më shumë kohë se ai me postimet.

Të dhënat konfirmojnë “fiksimin” tashmë të njohur të KM me mediat dhe rrjetet sociale.

Rruga Press