Qytetarët në Shqipëri ‘betejë’ me inflacionin! Çmimet do të rriten sërish për festat e fundvitit

Ndonëse pati një rënie graduale të inflacionit në muajin tetor, qytetarët shqiptarë duket se janë në një betejë me inflacionin gjithnjë e më tepër në rritje.

Të dhënat nga Instituti i Statistikave tregojnë gjatë nëntorit, treguesi i ndryshimit të çmimeve i rrit në 3.9 për qind nga 3.8 për qind në tetor. Grupi i ushqimeve dhe pijeve jo-alkoolike kanë qenë kontribuuesi kryesor në këtë ecuri.

Me të njëjtin ritëm rritjeje pritet të jetë edhe muaji dhjetor për shkak të kërkesës së shtuar nga konsumatorët për festat e fundivitit. Shqiptarët po paguajnë më tepër në të përditshmen e tyre, shpenzimet janë rritur jo vetëm në produktet e konsumit të përditshëm por në çdo sektor shërbimi.