Qeveria e Kosovës: Jemi të gjithë me shpirt e zemër pranë Tetovës, mjekëve e pacientëve
Mbi tragjedinë e ndodhur sot në Tetovë, ku pas zjarrit që ra në spitalin ku ishin shtruar pacientë të infektuar me Covid-19 tanimë po bëhet bilanci i të lënduarve dhe viktimave, është shprehur edhe Qeveria e Kosovës.
Më poshtë statusi i plotë:
“Kryeministri i Republikës së Kosovës, Albin Kurti porsa zhvilloi sonte një bisedë telefonike me Kryetaren e Komunës së Tetovës, Teuta Arifi, për ngjarjen e rëndë në një spital modular atje.
Eksplodimi i fuqishëm duket që ka marrë shumë jetë njerëzish, kryesisht pacientë.
Kryeministri Kurti i shprehu ngushëllime Kryetares Arifi për këtë tragjedi dhe gatishmërinë për ndihmë, për çfarë Kryetarja Arifi e falënderoi kryeministrin.
Lutemi që të ketë sa më pak viktima nga zjarri që po shkrumbon spitalin e Covid në Tetovë.
Jemi të gjithë me shpirt e zemër pranë Tetovës, mjekëve e pacientëve.”
Rruga Press