“Qëndrimi i PS për zv.kryeministren, e pritshme”/ Muka: Pjesë e një shfaqjeje që e kemi parë me dhjetëra herë në këto 12 vite

February 26, 2026 user 1

I ftuar në emisionin “Ora e Betit” në Ora News ishte gazetari Klevin Muka, i cili komentoi qëndrimin e pritshëm të Partisë Socialiste ndaj ministres Belinda Balluku.

Sipas Mukës, mazhoranca do të vijojë ta mbrojë ministren, ndërsa debati tashmë nuk lidhet me faktin nëse do të ketë mbështetje politike, por me argumentet që do të përdoren për ta justifikuar atë.

“Argumentet këtu nuk është se duan shumë logjikë. Kur thuhet se ministrja nuk pezullohet sepse ‘nuk ka kush të firmosë’, kemi të bëjmë me një absurditet. Nuk ka një diskurs me bazë morale apo ligjore, por justifikime të improvizuara.”– u shpreh Muka.

Lexo më shumë Kurti: Mbështetja për ne vetëm sa do të rritet, duhet të kemi opozitë të re - kjo është në rënie të lirë

Ai e përshkroi situatën si një model të përsëritur ndër vite, ku sipas tij mbrojtja politike ndërtohet mbi çdo lloj arsyetimi të mundshëm, pavarësisht sa i qëndrueshëm është ai.

“Kjo është pjesë e një shfaqjeje që e kemi parë me dhjetëra herë në këto 12 vite. Mund të shpiket çdo gjë për ta mbrojtur. Pyetja është si reagon publiku kur gjithçka relativizohet.”– shtoi gazetari.

Lexo më shumë Reporterët Pa Kufij: “Mediat private më me ndikim në Shqipëri në pronësi të një numri të vogël kompanish që kanë lidhje me botën politike, veçanërisht në sektorë si ndërtimi"

Muka ngriti shqetësimin se përsëritja e situatave të tilla ka sjellë lodhje dhe indiferencë në opinionin publik. Sipas tij, relativizimi i vazhdueshëm i përgjegjësisë politike rrezikon të ulë standardet e debatit dhe të zbehë reagimin shoqëror. /oranews/

Rruga Press