Pushohet hetimi ndaj Adriatik Llallës për fshehje pasurie

Gjykata e Posaçme ka pranuar kërkesën e Prokurorisë së Posaçme për të pushuar hetimin e çështjes ndaj tij për fshehje pasuire.

Duke qenë se ai është dënuar njëherë për këtë akuzë SPAK kërkoi pushimin e kësaj akuze.

Në shtator të vitit të kaluar Llalla u dënua me dy vite burg, si dhe 5 vite të tjera heqje të së drejtës për të ushtruar funksione publike.

Burime bëjnë me dije se Llalla ka aplikuar për azil politik në Itali, dhe nuk dihet nëse do të pranohet kërkesa e autoriteteve shqiptare për ekstradimin e tij. Sipas njoftimit të SPAK, pritet që Llalla të ekstradohet nga Italia për të vijuar me proceduar e dënimit të tij në Shqipëri.

Prokuroria e Posaçme i ka përcjellë ministrisë së Drejtësisë dokumentacionin e nevojshëm për ekstradimin e Adriatik Llallës nga Italia në Shqipëri, ndërsa duhet të presim më tej për vendimin e ministrisë mbi datën e ekstradimit të ish-kryeprokurorit.

Kujtojmë se, Llalla është dënuar me 2 vite burg nga Apeli i Posaçëm për akuza që lidhen me fshehjen e të ardhurave dhe mosdeklarimin e pasurisë. Prej dy muajsh ai ishte shpallur në kërkim, pasi që nga vendimi i gjykatës  ai u arratis në Itali.

Rruga Press