Publikimi i pagave, oficerët kibernetikë do të verifikojnë serverat në Tatime dhe ISKSH

Prokuroria e Tiranës ka caktuar një grup oficerësh të sektorit kibernetik të policisë Tiranë dhe policisë qendrore për të hetuar publikimin e pagave të mbi 637 mijë taksapaguesve shqiptarë.

Grupi hetues do të ekzaminojë serverat në Drejtorinë e Tatimeve dhe Institutin e Sigurimeve të Kujdesit Shëndetësor.

Deri më tani dyshohet se të dhënat personale të qytetarëve kanë dalë nga këto dy institucione.

Kqyrja pritet të kryhet ditën e sotme me qëllim verifikimin nëse nga sistemi i serverave qendrorë, ka pasur kopjim dhe eksportim të të dhënave në hard-disk apo USB të jashtme.

Në hetim janë edhe persona të tjerë, institucione, shoqata e përmbaruesve, avokatë dhe kompani siguracionesh  sepse për shkak të natyrës së punës së tyre mund të kenë pasur akses në servera.

Rruga Press