Progres-raporti për Shqipërinë, KE s’jep datë për konferencën ndërqeveritare

Ende asnjë datë për Shqipërinë, për konferencën ndërqeveritare.

Në progres-raportin e KE-së për Shqipërinë, që do të paraqitet sot në Parlamentin Europian, nuk ka një datë konkrete për mbajtjen e konferencës së parë ndërqeveritare, pavarësisht vlerësimit që i bëhet Shqipërisë, për përmbushjen e kushteve të vendosura nga BE.

Raporti vlerëson ecurinë e SPAK, krijimin e BKH-së, si dhe kthimin në funksionalitet të Gjykatës Kushtetuese.

“Shqipëria ka vazhduar të plotësojë të gjitha kushtet e tjera dhe ka bërë përparim të mëtejshëm të konsiderueshëm, të qëndrueshëm në adresimin e prioriteteve të tjera të theksuara nga Këshilli”, shkruhet në raport.

Por, qasja është komplet e kundërt kur bëhet fjalë për lirinë e medias. Raporti thekson se në këtë aspekt Shqipëria nuk ka bërë aspak progres, teksa nuk ka ndryshuar atmosfera e sulmeve ndaj gazetarëve.

Raporti i KE-së, do të paraqitet sot në Parlamentin Europian nga komisionieri Oliver Varhelyi. /A2 News/

Rruga Press