Probleme me motin në Korçë! Fshatrat s’kanë energji elektrike, bllokohen rrugët

Më shumë se 10 fshatra në Korçë janë pa energji elektrike. Shkak është bërë moti i keq i cili ishte prezent ditën e kaluar. Në njësinë administrative Proptisht kanë ngelur mbi 10 fshatra pa energji elektrike, ku është duke u punuar për riparimin e dëmtimeve. Po ashtu, probleme ka në disa zona malore në juglindje me shkëputjen e energjisë elektrike por edhe bllokimin e rrugëve, për shkak të terrenit të vështirë malor.

Aktualisht trashësia e reshjeve të dëborës në zonë ka arritur deri në 20 centimetra.

Më e vështirë është situata në qarkullimin normal të automjeteve në Mokër te Pogradecit, Panarit te Korçës, Moglicë e Gorë te Maliqit.  Sipas ARRSH, të gjitha akset janë të hapura pasi është punuar gjatë gjithë natës dhe ka ndihmuar fakti që temperaturat nuk kanë qenë nën minus, çka e ka bërë më të lehtë punën e borëpastrueseve.

Rruga Press