Prej dy ditësh pylli në flakë, digjen 50 hektarë drurë shekullorë në Gramsh (VIDEO)

Një tjetër vatër zjarri në Shqipëri e cila vijon të jetë aktive që nga dita e djeshme, ka shkrumbuar disa hektar pyll me pisha në Njësinë Administrative Kukur.

Terreni i vështirë dhe era kanë favorizuar flakët të cilat kanë djegur drurët shekullorë.

Në përpjekje për të vënë nën kontroll flakët, forcat zjarrfikëse po bashkëpunojnë me banorët e zonës dhe Shërbimin Pyjor.

Shefi i Zjarrfikëses Gramsh, z. Ilir Lapushi, u shpreh se zjarri ka shkrumbuar më shumë se 50 hektar dhe situata është tepër e vështirë, për shkak të erës dhe terrenit të vështirë. Ai ka bërë me dije se po punohet me mjete rrethanore për shuarjen e flakëve.

Nëse zjarri do të vazhdoje me këtë ritëm, rrezikohet të futet edhe në fshatin Mukaj dhe Sojnik.

Rruga Press