Politikani serb: Vuçiqi po provokon luftë në Kosovë, situata në veri skenar i BIA-s dhe FSB-së

Isidor Stefanoviq, nga Nisma Liberale Demokratike në Vrajë, ka akuzuar shërbimin sekret serb dhe rus se qëndrojnë prapa trazirave në veri të Kosovës.

“E gjitha është skenar i BIA-s dhe FSB-së ruse”, ka thënë Stefanoviqi.

Stefanoviqi thotë se Vuçiqi po provokon luftë në Kosovë.

“Këta (serbët e dhunshëm në veri) janë po të njëjtit që ushtruan dhunë kundër popullit në Beograd. Vuçiqi po provokon luftë në Kosovë”, shtoi Stefanoviqi.

Në media kanë qarkulluar informacione se pjesë e grupeve të dhunshme kriminale në veri që shkaktuan dhunë, janë edhe serbë të lidhur me grupin kriminal rus Wagner.

Rruga Press