Komuniteti Amerikan i Inteligjencës: Rusia përdor ‘viktimizimin e serbëve’ në Kosovë për të ushqyer tensionet

March 18, 2026 user 1

Komuniteti Amerikan i Inteligjencës (USIC), paralajmëron se Rusia po përdor politika hibride për të rritur tensionet midis Kosovës dhe Serbisë dhe për të ruajtur ndikimin e saj në Ballkanin Perëndimor.

Sipas raportit të saj për vitin 2026, Rusia përdor entitete shtetërore dhe organizata të sponsorizuara nga shteti për të promovuar viktimizimin e serbëve dhe për të minuar NATO-n dhe Bashkimin Evropian, veçanërisht në Serbi, Bosnjë e Hercegovinë dhe Mal të Zi.

Lexo më shumë “Duhet ndryshuar Kushtetuta”, Loli: Kosova është peng i Listës Serbe dhe i opozitës që nuk pranon verdiktin e zgjedhjeve

“Lufta e Rusisë në Ukrainë ka rikthyer frikën e konflikteve etnike dhe ka forcuar ndarjet politike në Ballkanin Perëndimor midis Rusisë dhe Perëndimit. Rusia ushqen destabilitet midis Serbisë – që ajo favorizon – dhe Kosovës, për shkak të shtetësisë së saj, ndërsa mbështet ndarjen e Republikës Sërpska nga Bosnja, dhe Hercegovina”, thuhet në raport.

Rusia synon gjithashtu të krijojë kushte që forcat pro-ruse të marrin pushtetin dhe të provokojnë tensione etnike në rajon.

Lexo më shumë Ja alternativat kundrejt Albin Kurtit: Njëri kryetar formal me qera, njëri kryetar pa përkrahje, njëra ''kush më bën presidente'', tjetri milioner pa punuar

“Rusia përdor organizata joqeveritare të cilat sponsorizohen nga shteti për të drejtuar fushatën e saj për të minuar NATO-n dhe Bashkimin Evropian, duke theksuar viktimizimin e serbëve dhe promovuar lidhjet me Rusinë, veçanërisht në Bosnjë e Hercegovinë, Mal të Zi dhe Serbi, ku jetojnë popullsi të mëdha etnike serbe”.

Rruga Press