“Po mashtrohet nga këshilltarët e tij lidhur me Ukrainën”, Kremlini reagon ndaj deklaratave të SHBA-së
Kremlini ka reaguar mbi akuzat e bëra nga inteligjenca amerikane se presidenti rus, Vladimir Putin, po mashtrohet nga këshilltarët e tij në lidhje me Ukrainën dhe sanksionet.
Në konferencën e tij të përditshme, zëdhënësi i Kremlinit Dmitry Peskov u tha gazetarëve me bazë në Moskë se as Departamenti i Shtetit i SHBA-së dhe as Pentagoni nuk kanë informacion të vërtetë për atë që po ndodh.
“Ata thjesht nuk e kuptojnë se çfarë po ndodh në Kremlin,” tha ai.
“Ata nuk e kuptojnë presidentin Putin, nuk e kuptojnë se si merren vendimet dhe nuk e kuptojnë stilin e punës sonë”.
Peskovi shtoi se ishte shqetësuese sepse “një keqkuptim i tillë total çon në vendime të gabuara që kanë pasoja të këqija”.
Rruga Press