Pinguini i rrallë i Antarktidës udhëton ‘aksidentalisht’ 3000 km në Zelandën e Re

Një pinguin është gjetur në brigjet e Zelandës së Re, të paktën 3,000 kilometra larg habitatit të tij natyror të Antarktidës.

Pinguini Adélie, i cili tani është quajtur me dashuri Pingu nga vendasit, u gjet i humbur në bregdet.

Harry Singh, banori lokal që e gjeti, tha se fillimisht mendonte se ai ishte një “lodër e butë”.

Është incidenti i tretë i regjistruar i një pinguini Adelie që gjendet në brigjet e Zelandës së Re.

Zoti Singh dhe gruaja e tij takuan pinguinin për herë të parë kur ishin duke ecur në plazh në Birdlings Flat, një vendbanim në jug të qytetit të Christchurch.

“Së pari mendova se ishte një lodër e butë, papritmas pinguini lëvizi kokën, kështu që kuptova se ishte i vërtetë”, tha zoti Singh për BBC.

Pamjet e pinguinit të postuara në faqen e zotit Singh në Facebook treguan se pinguini dukej i humbur dhe i vetëm.

Nuk lëvizi për një orë dhe dukej i rraskapitur”, tha ai.

Zoti Singh thirri shpëtimtarët e pinguinëve pasi ishte i shqetësuar se pinguini nuk po hynte në ujë, duke e bërë kështu një objektiv të mundshëm për kafshët e tjera grabitqare që enden në plazh.

Thomas  Stracke, i cili ka qenë duke rehabilituar pinguinët në ishullin jugor të Zelandës së Re për rreth 10 vjet u trondit kur zbuloi se pinguini ishte një pinguin Adélie – një specie që jeton ekskluzivisht në gadishullin Antarktik. Zoti Stracke, së bashku me një veteriner, shpëtuan pinguinin po atë mbrëmje.

Rruga Press