Peter Stano apo pansllavizmi përkrah klerofashizmit

Shkruan Agim Morina

Peter STANO, zyrtarisht zëdhëdhës i BE-së, jozyrtarisht pansllavist dhe përkrahës i Vucicit, ja çfarë pati thënë me 14 qershor 2023, kur u vendosën «masat» kundër Kosovës:

«Stano tha se masat janë të përkohshme dhe janë përgjigje PËR “DËSHTIMIN” E KRYEMINISTRIT TË KOSOVËS ALBIN KURTI QË TË NDËRMARRË HAPA KONKRETË DHE TË MENJËHERSHËM PËR ULJEN E TENSIONEVE NË PJESËN VERIORE TË KOSOVËS.

I pyetur se pse BE-ja nuk po merr masa kundër Serbisë, e cila “nuk po e zbaton marrëveshjen me Kosovën, nxit probleme në Bosnje dhe Hercegovinë dhe nuk i mbështet sanksionet ndaj Rusisë”, Stano tha se këto çështje nuk duhet të përzihen me njëra-tjetrën. .

“… për shkak se ka një situatë specifike në Kosovë, tensione të krijuara si rezultat i zgjedhjeve me pjesëmarrje të ulët të qytetarëve”.

Ai tha se SERBIA KA NDËRMARRË HAPA PËR ULJEN E TENSIONEVE duke bërë TËRHEQJE TË PJESSHME TË USHTRISË NGA ZONAT AFËR TERRITORIT TË KOSOVËS.”

Stano thotë se Serbia paska ndërmarrë «hapa», pa tregu se cilat janë ato «hapa» dhe se paska bë «tërheqje të ushtrisë» së vet në territorit e vet. Mirëpo, Stano, për me ujdisë argumentin e me bë më të bindshëm pati shtu se Serbia e paska tërheqë «nga zonat afët territorit të Kosovës».

Dmth. sipas Stanos, me sjellë ushtrinë afër kufirit, me kërcënu me luftë fqinjin, dhe masandej me e tëheqë, qenka «hap» i duhur që duhet me shpërbly. Nëse Polonia e kish mobilizu ushtrinë në kufi me Sllovakinë, – prej nga vjen Stano, – Sllovakia do të ishte fajtore! Kjo është logjika e një panllavisti të mirëfilltë.

Ndërsa sot, pas sulmit terrorist, kur edhe gomarët e stallave të BE-së e kanë kuptu se çfarë është në gjendje të bëjë Serbia klerofashiste dhe Aleksandar Vucici, Peter Stanoja, ujdis fraza të përgjithshme e të pakuptimta. Kur pyetet për «masat» thotë:

«Masat e vendosura për Kosovën nuk janë sanksione, kemi thënë që në fillim se BE-ja e ka pasur të qartë se masat janë të përkohshme, NËSE BE-JA GJEN ARSYE, do t’i prezantojë edhe Serbisë”, ka thënë ai.»

Pra, «nëse BE-ja gjen arsye». Nuk sheh më «hapa» terroristë të Serbisë. Sulmi terrorist dhe vrasja e një polici shqiptar nuk qenka ndonjë arsye. Kjo është gjuha pansllaviste e Peter Stanos që përkrah haptas politikën klerofashiste të Serbisë.

Fatkeqësisht, politika e BE-së ndaj shqiptarëve ka ra në duart e antishqiptarëve më të përbetuar.

Rruga Press