Përmbytje në Australi, evakuohen qindra qytetarë

May 13, 2022May 13, 2022 user 1

Qindra australianëve u është thënë të evakuojnë shtëpitë e tyre pasi Queensland po përballet me një tjetër emergjencë përmbytjeje, raporton BBC të premten.

Shumë paralajmërime u lëshuan të premten, duke u thënë banorëve në disa rajone që të përgatisin shtëpitë e tyre dhe të evakuohen nëse është e nevojshme.

Një person vdiq në përmbytjet në veri të shtetit në fillim të kësaj jave.

Lexo më shumë Gjyqi ndaj Trumpit: Ish-avokati i tij e pranon se ka gënjyer shpesh për ta ndihmuar ish-presidentin amerikan

Sistemi i stuhisë tani është zhvendosur në jug, drejt juglindjes shumë të populluar të Queensland.

Në shkurt, Queensland u shkatërrua nga përmbytjet që vranë 13 njerëz dhe përmbytën më shumë se 20.000 shtëpi. Nëntë persona të tjerë u vranë nga përmbytjet në Uellsin e Ri Jugor fqinj.

Përmbytje të mëdha parashikohen për disa lumenj. Disa qytete në Luginën Lockyer në perëndim të Brisbane janë tashmë nën ujë dhe një autostradë kryesore është ndërprerë.

Lexo më shumë Ukraina thotë se ka rrëzuar të gjithë dronët e lëshuar nga Rusia

Kryebashkiaku i Lockyer Valley, Tanya Milligan tha se 260 shtëpi në rajon priten të preken, pasi 68 u përmbytën në shkurt.

Australianët do të votojnë në zgjedhjet federale më 21 maj, në të cilat ndryshimi i klimës është një çështje kyçe.

Rruga Press