Përcillet për në banesën e fundit 18-vjeçarja, fjala e Kurtit: Nuk mund ta kthejmë kohën e ta zgjojmë Marigonën
Iu dha lamtumira e fundit 18-vjeçares Marigona Osmani, në varrezat e qytetit të Ferizajt, e cila u vra të dielen në banesën e partnerit të saj.
Në varrim u pa numër i madh i pjesëmarrësve e në mesin e tyre ishte edhe kryeministri i Kosovës, Albin Kurti. Ai ka thënë se jeta e një vajze 18-vjeçare u shua me një vrasje mizore.
“Vrasësi është arrestuar dhe për të duhet të ketë dënim të merituar. Bëhet fjalë për një të dyshuar që ka precendent penal edhe për vepra tjera. Kjo tregon se sa shumë punë tjera kemi përpara që ta drejtojmë sistemin e drejtësisë. Qeveria jonë prej fillimit ka marrë iniciativën për infrastrukturë ligjore që kurrë të mos përsëriten këto raste”, ka thënë ai.
Kurti ka thënë se është shtuar numri i grave e i vajzave që kanë raportuar për dhunë në familje.
Rruga Press