Pas takimit me Gabriel Escobarin, Albin Kurti fton liderët e opozitës në takim

October 19, 2022 user 1

Pas takimit me Gabriel Escobarin, kryeministri i Kosovës, Albin Kurti ka ftuar liderët e opozitës në një takim ditën e premte.

Lulëzim Blaka, Drejtor për Informim në AAK, ka bërë të ditur se kreu i kesaj partie, ish-kryeministri, Ramush Haradinaj do të marrë pjesë në takim.

Një ftesë të tillë, por edhe pjesëmarrjen, ende nuk e kanë konfirmuar dy liderët e tjerë opozitarë, Memli Krasniqi i PDK-së dhe ai i LDK-së, Lumir Abdixhiku.

Lexo më shumë Mbahet për herë të parë në Kosovë tryeza rajonale për partneritetet publiko-private

Megjithatë, ftesë për këtë takim, kanë marrë edhe ata dy politikanë të tjerë. Ende nuk dihet formati i takimit, nëse Kurti do t’i takojë veçmas apo në një takim të përbashkët.

Kurti ka pritur sot në një takim Zëvendës Ndihmës Sekretarin e Shteteve të Bashkuara të Amerikës për çështje evropiane dhe euroaziatike dhe njëherësh të dërguarin e posaçëm për Ballkanin Perëndimor, Gabriel Escobar.

Lexo më shumë Kurti takon Baerbockun: Gjermania, kyçe për anëtarësimin e Kosovës në Këshillin e Evropës

Pas takimit, Escobar ka theksuar se Shtetet e Bashkuara të Amerikës e mbështesin Kosovën në aspiratat e saj evroatlantike.

Rruga Press