Lajme

Pas sulmit të djeshëm terrorist në veri të Kosovës, Vuçiqi dhe Daçiqi u takuan me ambasadorin rus në Serbi

Presidenti i Republikës së Serbisë, Aleksandar Vuçiq, ka takuar sot ambasadorin e Federatës Ruse, Aleksandar Bocan-Kharchenko, raporton Danas.rs, përcjell Rruga Press.

Në takim merr pjesë edhe zëvendëskryeministri i parë dhe ministri i Punëve të Jashtme, Ivica Daçiq.

Takimi u zhvillua në orën 09:00 në godinën e Sekretariatit të Përgjithshëm të Presidentit të Republikës, njoftoi Shërbimi për Bashkëpunim me Median i Presidentit të Republikës së Serbisë.

Lexo më shumë  Eurodeputeti Kyuchyuk: Kosova meriton respekt të plotë. Meloditë nacionaliste në Forumin e Zgjerimit minojnë frymën e pajtimit rajonal

Takimi erdhi pas sulmit të organizuar terrorist kundër institucioneve të Kosovës, ku mbeti i vrarë dhe rreshteri i policisë Afrim Bunjaku.

Vlen të vlerësohet që sulmi i djeshëm është dënuar fuqishëm nga bota perëndimore, përveç ambasadorit të SHBA-së në Serbi, Christopher Hill.

Takimi i Vuçiqit e Daçiqit me ambasadorin rus, është tregues i afërsisë së këtyre të fundit me regjimin e Putinit, e duket sikur ka qenë një raportim pa dorashka, për të treguar se çfarë dështoi dhe me gjasë edhe për të diskuar sulme te tjera terroriste të ngjashme.

Lexo më shumë  AP: Vende anëtarë nuk ishin dakord që Samiti i NATO-s të mbahej në Tiranë

Rruga Press

YouTube player