Pas dy vitesh pandemi, ja si ndryshojnë rregullat nga 1 maji në Itali

Duke nisur nga 1 maji Çertifikata e Gjelbërt do të nevojitet vetëm për të demonstruar vaksinimin ose shërimin nga COVID-19 në shtetin fqinj, Itali.

Kjo Çertifikatë nuk do të jetë e detyrueshme në vendet e punës, zyrat publike, dyqane, lokale, restorante dhe në transportin publik.

Detyrimi bie edhe për kinematë, teatrot, mensat, ngjarjet sportive, në koncerte, në konferenca dhe kongreset, qendrat kulturore, sociale, në garat, në festa dhe diskotekat.

Ndërsa përsa i përket përdorimit të maskave qeveria italiane do të diskutojë këtë javë nëse do të hiqen plotësisht.

Rruga Press