Papa Françesku: Një infermiere më shpëtoi jetën, ndodhi për herë të dytë…
Papa Françesku ia kushton rikthimin e tij në jetë një infermiereje.
Kështu është shprehur në një intervistë duke treguar se infermierja e ka shpëtuar, ngjarje kjo që sipas tij ka ndodhur për herë të dytë.
“Një infermiere më shpëtoi jetën. Ishte një person me shumë eksperiencë. Kjo është hera e dytë që një infermier më shpëton jetën. Hera e parë ishte në vitin 1957”, u shpreh Papa gjatë një interviste për një radio spanjolle.
Herës së parë Ati i Shenjtë i referohej një infermiere italiane që kundërshtoi mjekët dhe ndryshoi mjekimin për të ndërsa mjekohej për pneumoni.
Papa u operua së fundmi në zorrën e trashë më 4 korrik në poliklinikën “Gemelli”, ku qëndroi në regjim shtrati për 10 ditë.
Rruga Press