Pa tokë nga projekti i rindërtimit, Greca: Bashkia më mori tokën, asnjë dëmshpërblim

Projekti i rindërtimit në njësinë administrative Baldushk në Tiranë ka cenuar rreth 4 dynym tokë me pemëtari, kasolle bagëtish për familjen e Shkëndie Grecës, e cila shprehet se ka nevojë për ndihmë dhe mbështetje nga bashkia, pasi kjo e fundit nuk ka përllogaritur asnjë dëmshpërblim për të.

4 dynim tokë me pemtari, kasolle bagëtish dhe gjithashtu toka mbi të cilët do ngriheshin themelet e një banese për strehimin e djalit të Shkëndie Grecës në fashatin Baldushk në Tiranë është i bilancit të dëmit të krijuar për këtë familje si pasojë e projektit të rindërtimit të zhvilluar në zonë.

Asgjë transparente dhe asnjë plan nga bashkia për dëmshpërblim dhe gjatë gjithë kësaj kohe familjarët kanë akumuluar vetëm stres dhe shqetësime.

Tanimë ka mbetur në fshat, por e pamundur të marrë asgjë nga ato çfarë fshati mund t’i ofrojë, pasi ka mbetur pa bagëti dhe pa asgjë.

Ajo kërkon mbështetje nga bashkia, pasi për këtë familje procesi i rindërtimit ka prodhuar një fatkeqësi shumë të madhe./ora/

Rruga Press