Lajme

Osmani takim me ambasadoren greke, biseduan për thellimin e bashkëpunimit në mes të dy vendeve

Presidentja e Kosovës, Vjosa Osmani-Sadriu priti sot në takim njoftues shefen e re të Zyrës Ndërlidhëse të Republikës së Greqisë, ambasadoren Heleni Vakali.

Në komunikatën e Presidencës thuhet se presidentja Osmani i uroi mirëseardhje ambasadores Vakali dhe i përcolli gatishmërinë e institucioneve të Republikës së Kosovës për thellimin e bashkëpunimit në mes të dy vendeve nëpërmjet shtimit të bashkëpunimit ekonomik, në sektorin e energjisë, turizmit dhe investimeve.

Lexo më shumë  Parlamenti britanik miratoi mocionin e Alicia Kearns për Kosovën

“Presidentja Osmani vlerësoi ngritjen e raporteve në mes të Kosovës dhe Greqisë, duke theksuar se institucionet tona janë të përkushtuara t’i zgjerojnë dhe intensifikojnë raportet në të gjitha fushat, përfshirë vendosjen e marrëdhënieve diplomatike dhe bashkëpunimin në procesin e integrimit në strukturat euro-atlantike si prioritet kyç i Republikës së Kosovës”, thuhet në komunikatë, transmeton Telegrafi.

Më tej thuhet se në takim u diskutua edhe për situatën politike dhe të sigurisë në kontinentin evropian, me ç’rast presidentja Osmani ka ripotencuar përkushtimin e Kosovës për paqe dhe stabilitet, duke u thirrur në nevojën që demokracitë të qëndrojnë të bashkuara kundër tendencave destabilizuese edhe në rajonin tonë.

Lexo më shumë  Konjufca: Heroi Ilaz Kodra është ndër figurat më emblematike të UÇK

Presidentja Osmani dhe ambasadorja Vakali janë dakorduar për shtimin e bashkëpunimit dhe komunikimit ndërinstitucional në fushat e interesit të dyanshëm.

Rruga Press

YouTube player

Leave a Reply

Your email address will not be published. Required fields are marked *