Osmani për kontingjentin e FSK-së që do të trajnojë ushtarët ukrainas: Do të luajnë rol kyç si instruktorë
Presidentja Vjosa Osmani i ka uruar suksese kontingjentit të ushtarëve të Forcës së Sigurisë së Kosovës, të cilët janë nisur për në Mbretërinë e Bashkuar për operacionin “INTERFLEX”.
Ky operacion realizohet në mbështetje dhe përgatitje të personelit ushtarak të Ukrainës.
Në reagimin e saj, Osmani ka thënë se ata do të kenë rol kryesor në stërvitjen e ushtrisë ukrainase.
“Iu uroj suksese ushtarëve tonë të FSK-së derisa nisin operacionin INTERFLEX në Mbretërinë e Bashkuar, së bashku me partnerët e tjerë të NATO-s. Ata do të luajnë rol kryesor si instruktorë, duke ndihmuar në stërvitjen e ushtrisë ukrainase”.
“Krahas aleatëve tanë, ne mbetemi të përkushtuar ndaj paqes dhe sigurisë”, ka shkruar presidentja e vendit në rrjetin social “X”.
E lidhur me këtë ka reaguar edhe Ambasada Britanike në Prishtinë, duke thënë se Kosova ka mbështetur dhe demonstruar solidaritet me Ukrainën e popullin ukrainas që nga fillimi i luftës.
“Mbrëmë i uruam lamtumirën një kontingjenti të ushtarëve të FSK-së para se të fluturonin në Britani të Madhe për të mbështetur operacionin INTERFLEX. Kosova ka mbështetur dhe demonstruar solidaritet me Ukrainën dhe popullin ukrainas që nga fillimi i luftës”.
“Operacioni INTERFLEX zhvillohet në Mbretërinë e Bashkuar dhe ka për qëllim stërvitjen e trupave të ushtrisë ukrainase. Ministria e Mbrojtjes dhe FSK-ja kanë ofruar gatishmëri për angazhimin e instruktorëve për të ndihmuar në procesin stërvitor të Ushtrisë së Ukrainës në kuadër të këtij operacioni”, ka shkruar ambasada në Facebook.
I wish our @KSF_Kosova soldiers success as they embark on Operation INTERFLEX in the UK, alongside other NATO partners.
— Vjosa Osmani (@VjosaOsmaniPRKS) January 19, 2024
They will play a pivotal role as instructors, aiding in the training of the Ukrainian Army.
Alongside our allies, we remain committed to peace and security. pic.twitter.com/I1mCgV2ANU
Rruga Press