Një ditë pas zgjedhjeve/ Gahler: Numërimi i fletëve të votimit jashtë QV-ve duhet të adresohet! Ka shqetësime për shitblerjen e votës dhe presion
Kreu i delegacionit të vëzhgimit të zgjedhjeve nga PE, Michael Gahler deklaroi se ka shqetësime për shitblerjen e votës dhe presion. Ai pohoi se fenomeni i numërimit te fletëve të votimit jashtë QV-ve duhet të adresohet.
“Gara që dëshmuan është një mundësi që vendi të konsolidojë dhe forcojë më tej demokracinë e tij. Delegacioni i PE përbëhet nga 7 anëtarë. Ekipi ynë ishte në Tiranë, Durrës, Elbasan dhe Vlorë. Ne jemi plotësisht dakord me deklarata e mëparshme. Këto zgjedhe kanë qenë konkurruese dhe të administruara mirë, megjithatë fushata ishte e qetë.
Ne vëmë re se disa rekomandime të ODIHR mbeten të pazbatuara, duke përfshirë rekomandimet për financimin e fushatës. Numërimi fletëve të votimit jashtë qendrës së votimit duhet të adresohet. Ne theksojmë se disa bashkëbisedues ngritën shqetësime për shpërdorimin e burimeve shtetërorë, përdorimin e skemës së pensioneve në minutë të fundit, apo faljen e gjobave.
Disa nga bashkëbiseduesit tanë kanë raportuar edhe shqetësime lidhur me shitblerjen e votave apo presione, përfshirë presionin ndaj nëpunësve të administratës publike që përbëjnë një segment të konsiderueshëm elektoral. Ka ende hapësirë për rritjen e transparencës së procesit zgjedhor.”, tha kreu i delegacionit të vëzhgimit të zgjedhjeve nga PE, Michael Gahler.
Rruga Press