Një bazë ushtarake ruse në Krime po digjet, mbyllet autostrada – planifikohet evakuimi i 2000 njerëzve

July 19, 2023 user 1

Sergey Aksyonov, guvernatori i Krimesë i cili u emërua nga Moska, shkroi në Telegram se është planifikuar evakuimi i përkohshëm i rreth dy mijë njerëzve nga rrethi Kirovsky në gadishullin e aneksuar.

Arsyeja e evakuimit është një zjarr që shpërtheu në terrenet e stërvitjes ushtarake.

“Është planifikuar një evakuim i përkohshëm i popullsisë nga katër zona të banuara. Në total, bëhet fjalë për rreth 2000 njerëz”, tha Aksyonov.

Lexo më shumë Mediat proqeveritare publikuan ditë më parë të dhënave personale të gazetarëve, BE-ja i bën thirrje Serbisë të garantojë lirinë e shprehjes dhe medias

Ai konfirmoi se autostrada e afërt Tavrida ishte e mbyllur. Për shkak të zjarrit u formua një ekip krizash.

Më herët, agjencia e lajmeve RBC-Ukrainë raportoi se ka pasur shpërthime në bazat ushtarake.

Ndryshe, rusët njoftuan dje se kanë rrëzuar 28 dronë ukrainas mbi Krime natën nga e hëna në të martë.

Sipas informacioneve nga Ministria ruse e Mbrojtjes, në atë sulm nuk ka pasur viktima apo dëme.

💥 Russia's munitions warehouse in occupied Crimea has been destroyed. pic.twitter.com/kg7sVWzBLm
— Igor Sushko (@igorsushko) July 19, 2023

Rruga Press

Lexo më shumë Franca lëshon një urdhërarrest të ri për Assadin e Sirisë