NATO thotë se Rusia po vazhdon me vendosjen ushtarake rreth Ukrainës, pavarësisht pretendimeve të Kremlinit për tërheqje
Pavarësisht se Rusia vazhdon të pretendojë se po tërheq më shumë trupa nga kufijtë me Ukrainën, Sekretari i Përgjithshëm i NATO-s ka përsëritur komentet e tij të djeshme se ai beson se nuk ka ndodhur asnjë de-përshkallëzim.
“Përkundrazi, duket se Rusia po vazhdon vendosjen e saj ushtarake”, ka thënë Jens Stoltenberg, shkruajnë mediat e huaja, përcjell Telegrafi.
Ai po fliste në një konferencë shtypi ndërsa ministrat e mbrojtjes të NATO-s po takohen në Bruksel.
Rusia ka lëvizur gjithmonë trupa përreth dhe kjo nuk do të thotë se ka pasur një tërheqje të plotë, tha ai.
#BREAKING Russia appears to be continuing military build-up around Ukraine: NATO chief pic.twitter.com/zuLgoN69CN
— AFP News Agency (@AFP) February 16, 2022
Sipas SkyNews, numri i trupave ruse në kufijtë e Ukrainës po vazhdon të rritet dhe një pushtim i plotë mund të nisë pa paralajmërim, vazhdoi ai.
Stoltenberg tha se NATO mbetet e gatshme për diskutim dhe një zgjidhje diplomatike, por është “e përgatitur për më të keqen”.
NATO secretary general Jens Stoltenberg says there has been no signs of "de-escalation on the ground", adding that if anything, it appears Russia is 'continuing its military build-up'.#KayBurley: https://t.co/NElII4oNoc
— Sky News (@SkyNews) February 16, 2022
📺 Sky 501, Virgin 602, Freeview 233 and YouTube pic.twitter.com/9UCJwjf4IM
Mesazhet e fundit mbi diplomacinë nga Rusia ofrojnë një terren për “optimizëm të kujdesshëm”, tha ai, por mbetet për t’u parë nëse Moska do të tërheqë ushtrinë e saj.
Por Kremlini e ka mohuar këtë, duke thënë se NATO-ja është “gabim” lidhur me këtë.
Rusia mohoi gjithashtu të ketë ndonjë përfshirje në një sulm DDoS, i cili ka bërë që uebsajti i ministrisë së mbrojtjes të Ukrainës të dalë nga funksioni.
Rruga Press