Mjegulla krijon probleme në rrugën nacionale Bulqizë–Klos

Mjegulla e dendur ka krijuar probleme në qarkullimin e automjeteve gjatë gjithë ditës së sotme në aksin rrugor Bulqizë – Klos. Më problematike situata ka qenë nga pishat në Fushë Bulqizë deri në fshatin Plan i Bardhë.

Prania e madhe e mjegullës ka rrezikuar drejtuesit e mjeteve që të shkaktojnë aksidente. Ata shprehen se mungesa e sinjalistikës horizontale e asaj vertikale, bëhet burim aksidentesh në kohën kur ka prani të mjegullës.

Shumë prej mjeteve janë gjetur të papërgatitur për praninë e mjegullës, pasi nuk kishin ndriçim të mjaftueshëm, ndërsa të tjerë janë detyruar të lëvizin me bllokazhin hapur.

Drejtuesit e automjeteve shprehen se autoritetet duhet të marrin masa të menjëhershme që të mos ketë probleme në situata të tilla kur ka prani të mjegullës.

Rruga Press