Miratohet vendimi për ndërtimin e kompleksit memorial “Masakra e Reçakut”

July 10, 2024 User2

Qeveria e Kosovës ka miratuar shqyrtim Propozim-vendimit preliminar për shpronësim për interes publik të pronave të paluajtshme të cilat preken nga realizimi i projektit: Konservimi, Restaurimi dhe Ndërtimi i Kompleksit Memorial “Masakra e Reçakut”.

Ministri i Infrastrukturës, Liburn Aliu tha se në Komunën e Shtimes, departamenti i shpronësimit ka mbajtur në muajin qershor një dëgjim publik me pronarët e pronave.

Lexo më shumë Provokim ushtarak pranë kufirit të NATO-s/ Droni rus godet trenin, shpëton ish-kryeministri britanik Johnson dhe delegacioni perëndimor

“Më 21.05.2024 ka miratuar vendimin për miratimin e kërkesës për shpronësim për interes publik të pronës së paluajtshme e cila preket realizimi i projektit: Konservimi, Restaurimi dhe Ndërtimi i Kompleksit Memorial ‘Masakra e Reçakut’.

Pas miratimit të këtij vendimi departamenti i shpronësimit më 18.06.2024 ka mbajtur dëgjimin publik në Komunën e Shtimes me pronarët e pronave dhe ka trajtuar gjatë dëgjimit të gjitha kërkesat e pronarve.

Lexo më shumë Arsimi publik falas, por hyrja shtrenjtë! Sa kushton dita e parë e shkollës? Mesatarisht 34 mijë lekë për një fëmijë

Departamenti i shpronësimit i propozon Qeverisë së Kosovës që të nxjerr vendim që të miratohet vendimi preliminar për ligjshmërinë e procesit të shpronësimit për interes publik të pronës se paluajtshme e cila preket nga realizimi i projektit”, ka thënë Aliu.

Rruga Press