MINT prezanton disa nga të arriturat e Kosovës: Pjesëmarrja në fondin e BE-së prej 4.2 miliardë euro, avancimi në EFTA

December 29, 2023 User2

Ministria e Industrisë, Ndërmarrësisë dhe Tregtisë (MINT) ka përmbledhur disa nga të arriturat kryesore që Kosova realizoi gjatë vitit 2023, si në aspektin e brendshëm ashtu edhe në planin ndërkombëtar.

MINT ka potencuar se për herë të parë gjatë vitit 2023 u nënshkrua marrëveshja për pjesëmarrjen e Kosovës në njërin nga programet më të mëdha të Bashkimit Evropian, në vlerë prej 4.2 miliardë euro.

Lexo më shumë Shërbimi që Ziadin Sela ia bën Ali Ahmetit, shpërthen me plot urrejtje ndaj KM të Kosovës Albin Kurtit

Mandej sipas MINT edhe negocimi për Marrëveshjen e Tregtisë së Lirë me shtetet e EFTA-së po avancon si asnjëherë më parë.

Po ashtu, në vitin 2023, për herë të parë në Republikën e Kosovës u regjistruan Treguesit Gjeografik si emërtime të mbrojtura të origjinës dhe kjo për MINT është një e arritur tjetër me rëndësi.

Ministria e Industrisë, Ndërmarrësisë dhe Tregtisë (MINT) thekson se edhe numri i inspektimeve preku shifrat rekord gjatë vitit 2023, me mbi 3079 inspektime të realizuara.

Lexo më shumë Mediat proqeveritare publikuan ditë më parë të dhënave personale të gazetarëve, BE-ja i bën thirrje Serbisë të garantojë lirinë e shprehjes dhe medias

Ndërkaq për herë të parë u rregullua veprimtaria e udhërrëfyesve turistik (ciceronëve) në mënyrë që historia, kultura e trashëgimia jonë kulturore të prezantohet nga ciceronë të certifikuar dhe regjistruar në Republikën e Kosovës.

“Plane të tjera të reja na presin në vitin 2024 me qëllim realizimin e prioriteteve të Qeverisë së Republikës së Kosovës Bashkë, për qytetarët tanë dhe të mirën e përgjithshme!”, thuhet nga MINT.

Rruga Press