Ministri kroat shpreh mbështetjen për Kosovën

Kroacia e përkrah plotësisht rrugën evropiane të Kosovës dhe është e gatshme t’ia ofrojë përvojën e saj, ka thënë të martën ministri i Jashtëm kroat, Gordan Grliq Radman, pasi priti në Zagreb, ministren e Jashtme të Kosovës, Donika Gërvalla-Schwarz.

Radman ka shkruar në Twitter se me Gërvallën kanë diskutuar për raportet bilaterale miqësore dhe rrugën evropiane të Kosovës.

Ai e ka cilësuar Kosovën si “partnere të besueshme me qëndrimin proevropian në politikën e jashtme”.

Ndërkaq, Gërvalla e ka cilësuar Kroacinë jo vetëm si “shtet mik strategjik, por edhe shumë të afërt”.

“Kemi histori të përbashkët”, ka thënë ajo duke shtuar se “jemi përballur me të njëjtin agresor”.

Rruga Press