Ministri irlandez: Ushtria ruse ka kryer krime lufte në Ukrainë

April 14, 2022April 14, 2022 user 1

“Forcat ruse ka të ngjarë të kenë kryer krime lufte duke sulmuar civilët ukrainas”. Kështu tha sot ministri i Jashtëm i Irlandës Simon Coveney gjatë një vizite në Ukrainë.

Ai tha se Irlanda po punonte për një paketë maksimaliste sanksionesh kundër Rusisë, duke shtuar se dëshironte t’i jepej fund çmendurisë së luftës.

Coveney vizitoi zonat e prekura drejtpërdrejt nga pushtimi rus dhe u takua me Ministrin e Jashtëm të Ukrainës Dmytro Kuleba dhe Ministrin e Mbrojtjes Oleksii Reznikov.

Lexo më shumë Një anije kineze mbetet në qendër të hetimit për gazsjellësin e detit Baltik të dëmtuar vitin e kaluar

“Edhe pse Irlanda është ushtarakisht neutrale, më lejoni të jem i qartë se ne nuk jemi neutralë për këtë luftë dhe konflikt dhe për të ardhmen e vendit tuaj”, tha ai.

Gjatë vizitës së tij, Coveney njoftoi 3 milion euro në fonde për Gjykatën Penale Ndërkombëtare, nga të cilat 1 milion euro do të shpërndahen menjëherë në zyrën e prokurorit.

Lexo më shumë Ukraina fillon ndërtimin e bazave nëntokësore për strehimin e aeroplanëve luftarak amerikanë F-16

Irlanda ka kontribuar tashmë 20 milionë euro në ndihmë humanitare për Ukrainën dhe ka dhuruar 33 milionë euro ndihmë ushtarake.

Rruga Press