BotaKryesore

Ministri i Dodikut tallet me viktimat e gjenocidit në Srebrenicë

user 1

Ministri i Sigurisë i Bosnjë-Hercegovinës, Nenad Neshiq, është tallur me viktimat e gjenocidit në Srebrenicë në një paraqitje në televizionin serb “Happy TV”.

Neshiq është pjesë e partisë së Millorad Dodikut, president i etnitetit serb të Bosnjës, në listën e zezë të Shteteve të Bashkuara të Amerikës. 

Neshiq ka pasur retorikë të zakonshme kundër gjenocidit të Srebrenicës, por në paraqitjen e fundit ai shkon një hap më tej.

“Nëse më lejoni të tregoj një shaka… në një varrim, i kërkuan Mujës së vogël të tregonte të dhënat bazike. Ai thotë: ‘I lindur në Sarajevë, i varrosur në Srebrenicë, jeton në Gjermani’ “, ka thënë Neshiq duke buzëqeshur.

Lexo më shumë  Britania vendos sanksione të reja ndaj Rusisë llogariten më të fortat deri më tani kundër sistemit financiar

Prezantuesi më pas i thotë se është paditur nga “Nënat e Srebrenicës” për një deklaratë të ngjashme, ndërsa Neshiq i përgjigjet “ndoshta do të më padisin edhe mua tani”.

“Kjo dhe deklarata të ngjashme janë tregues i vërtetë se pse botës i duhet një rezolutë për gjenocidin në Srebrenicë. Edhe pse mesazhet e rezolutës janë universale dhe është në interes të gjithë botës, miratimi i saj do të çimentojë mesazhin se mohimi i gjenocidit në Srebrenicë është akt anti-civilizimi”, shkruan media boshnjake “Klix”.

Lexo më shumë  Kroacia e ndihmon Kosovën në zhvillimin e kapaciteteve të Ushtrisë

Më 23 maj do të mbahet seanca e Asamblesë së Përgjithshme të OKB-së për rezolutën për Srebrenicën.

VIDEO:

Rruga Press

YouTube player