Mbështetja jonë ndaj SHBA-së nuk është konjukturale, sepse është ekzistenciale

Nga Hysamedin Feraj

1. Duhet falenderuar z. Escobar për ripohimin e sigurisë që SHBA i ofrojnë Kosovës përballë hyrjes ushtarake të Serbisë në Kosovë.

2. Do të ishte siguri e mirëfilltë nëse ofrohet po ashtu përballë hyrjes paqësore, nëpërmjet Zajednicës, “e lehtësuar nga ndërmjetësimi i BE–së”.

3. Sepse, sido që të hyjë Serbia, rezultati është i njëjtë: kalimi i veriut të Kosovës (dhe i gjithë funksionimit të shtetit) nën kontrollon e Serbisë.

4. Besoj shumë se SHBA mund ta ruajnë pavarësinë dhe përcaktimin e tyre për marrëveshjen që ka në qendër njohjen reciproke.

5. Besoj fuqishëm se SHBA i përmbahen atij përcaktimi të vet sovran përballë presionit serb, dhe miqëve europian të Serbisë, për kthimin e SHBA-ve te qëndrimet e ish Presidentit Trump dhe praktikat e të dërguarit të tij Grenell.

6. Vullneti i popullit tonë dihet: përcaktimi gjeopolitik kundër kthimit të Ballkanit në republikë serbo-ruse është i palëkundur, sepse është ekzistencial.

7. Në këtë drejtim mbështetja jonë ndaj SHBA-ve, aq sa mundemi dhe aq sa dimë, nuk është as nuk do të jetë konjunkturale, sepse është ekzistenciale.

Rruga Press