Masat ndaj Kosovës, kryeministri irlandez: Duhet të hiqen! Asociacioni? Të themelohet, por s’duam një mikro-shtet

Kryeministri i Irlandës, Leo Varadkar i cili ndodhet për një vizitë në Kosovë ka folur për masat ndaj Kosovës, Asociacionit të komunave me shumicë serbe, zgjedhjeve në veri, etj.

Varadkar në një konferencë të përbashkët për media me kryeministrin e Kosovës, Albin Kurti tha se masat ndaj Kosovës duhet të hiqen.

“…Është qëndrim i qeverisë irlandeze që besojmë se masat kufizuese që janë vendosur ndaj Kosovës duhet të hiqen dhe këtë pozicion ia kam thënë edhe kryeministrit dhe është zyrtar,

Duke folur për zgjedhjet në katër komunat në veri, tha se është me rëndësi që kryetarët të zgjidhen në mënyrë demokratike dhe t’i përfaqësojnë njerëzit që jetojnë në ato zona.

“…Dua të shoh edhe formimin e Asociacionit të komunave me shumicë serbe, por nuk duam të shohim një mikro-shtet brenda Kosovës, kjo nuk do të ishte e dobishme për të ardhmen,”, tha ndër të tjera kryeministri irlandez.

Rruga Press