Kryeziu: Kosova po konsolidohet si vend me demokraci të zhvilluar

Deputetja e Lëvizjes Vetëvendosje, Arbreshë Kryeziu, ka bërë të ditur se në raportin “Democracy Report 2025” të Institutit V-Dem Institute, Kosova është renditur si “Demokraci Elektorale”.

Sipas Kryeziut, në këtë kategori përfshihen edhe shtetet anëtare të Bashkimit Evropian dhe NATO-s, ndërsa Kosova, sipas saj, qëndron më mirë se disa prej tyre.

Ajo ka theksuar se, në krahasim me vendet e rajonit, vetëm Mali i Zi renditet më lart, ndërsa shtetet e tjera janë prapa Kosovës.

Ndërkaq, sipas saj, Serbia klasifikohet në kategorinë e regjimeve autoritare, madje pas Rusisë e Ruandës.

“Kosova gradualisht po konsolidohet si vend me demokraci të zhvilluar. Si shteti më i ri në rajon, shpesh është bërë shembull në shumë rangime në raportet ndërkombëtare”, ka shkruar Kryeziu në Facebook.

Rruga Press