Masakra e Reçakut/ Alizoti: Shenjë e paharrueshme e brutalitetit dhe dhunës ndaj popullit të Kosovës

Deputeti i Partisë Demokratike, Tomorr Alizoti ka kujtuar përvjetori e masakrës së Reçakut, në një vizitë në “Kompleksin Memorial Masakra e Reçakut” ditën e djeshme, në Reçak të Shtimes.

Në një postim në Facebook, Alizoti shkruan se ndjen një dhimbje të thellë dhe ngushëllon të gjithë ata që u prekën nga kjo tragjedi.

Postimi i plotë:

Si deputet i Kuvendit të Shqipërisë, sot në përvjetorin e masakrës së Reçakut, ndjej një dhimbje të thellë dhe ngushëllime për të gjithë ata që u prekën nga kjo tragjedi. Ky akt i tmerrshëm, pjesë e genocidit Serb ndaj popullatës civile të Kosovës, do të mbetet një shenjë e paharrueshme e brutalitetit dhe dhunës. Kujtimi për viktimat e kësaj masakre dhe përpjekjet e tyre për liri do të jenë gjithmonë të gjallë në zemrat tona. Le të kujtojmë me nderim të rënët dhe të punojmë për një të ardhme!

Rruga Press